Leiðbeinendanámskeið 5.júní 2019

65.000 kr.

Staðsetning: Fákafen 9, 108 Reykjavík
Dagsetning og tími: 5.júní 2019 klukkan 08:00-16:00
Verð: 65.000.-
Hverjum er námskeiðið ætlað?
Leiðbeinendanámskeið fyrir Verndara barna er fyrir áhugasama aðila sem hafa áhuga á að leiða námskeiðið Verndarar barna á eigin vegum, starfs síns vegna eða fyrir það sveitarfélag sem viðkomandi býr í eða starfar fyrir.
Þetta námskeið hentar sérstaklega félagsráðgjöfum, sálfræðingum, kennurum, náms- og starfsráðgjöfum, þroskaþjálfum og öðru fagfólki sem starfa eða hafa starfað með börnum og ungmennum.
Verndarar barna er nýtt íslenskt fræðsluefni um forvarnir gegn kynferðisofbeldi á börnum.  Leiðbeinandinn mun í kjölfarið fræða aðra fullorðna einstaklinga sem bera ábyrgð á umönnun og verndun barna; sínum eigin eða annarra. Einnig starfsmönnum stofnana og félagasamtaka sem bera ábyrgð á eða þjóna börnum og unglingum.
Hámarksfjöldi þátttakenda:
Á þessu námskeiði er hámarksfjöldi þátttakenda 12.
Lýsing:
Námskeiðið Verndarar barna er fræðsla í forvörnum og viðbrögðum við kynferðisofbeldi á börnum. Efnið er sérhannað fyrir stofnanir, fyrirtæki og félagasamtök sem þjóna börnum og unglingum sem og einstaklingum sem bera ábyrgð á umönnun og verndun barna; sínum eigin eða annarra. Á námskeiðinu er farið yfir 7 skref til verndar börnum, verkefnabók. Á námskeiðinu er horft á myndefni sem hefur að geyma frásagnir þolenda þar sem þeir gera grein fyrir ferlinu; bæði ofbeldinu og bataferlinu. Einnig er þarna að finna myndbrot með fræðslu og leiðbeiningum frá höfundi námsefnisins og sérfræðingum sem daglega þurfa að takast á við öll þau vandamál sem lúta að kynferðisofbeldi. Farið verður yfir kenningarlegan grunn efnisins og tekist á við margvísleg vandamál er kunna að koma upp fyrir þá er leiða námskeiðin.  Verklegar æfingar og stuðningur.
Á námskeiðinu fá þátttakendur:                                                                                                                                                                                                Handbók fyrir leiðbeinendur.                                                                                                                                                                                                   Gagnvirka vinnubók sem inniheldur allt námsefnið.                                                                                                                                                                   Rafrænt aðgengi að öllu því efni sem Blátt áfram hefur yfir að ráða varðandi námskeiðið. Efni sem er í stöðugri uppfærslu.                                                         10 vinnubækur, til að leiða sitt fyrsta námskeið, hver að verðmæti 3.500 kr.
Upplýsingabækling um þau lög sem lúta að kynferðisofbeldi; opinber stefnumótun, viðbrögð, meðferð mála og úrræði.
Leiðarvísir þeim til halds og trausts til að vera Verndarar barna sem er grundvallar fræðsluefni um forvarnir gegn kynferðisofbeldi á börnum.
Upplýsingar um félagsleg úrræði, stuðning og aðstoð fyrir þolendur og fjölskyldur þeirra.
Viðvarandi stuðning og hvatning á heimasíðu Blátt áfram
Markmið:
Markmiðið er að þjálfa fagmenn til að leiða námskeiðið Verndarar barna og veita öðru fullorðnu fólki öfluga fræðslu og markvissa þjálfun í að fyrirbyggja, þekkja og bregðast við kynferðislegri misnotkun barna af hugrekki,festu og ábyrgð.
Umsjón
Umsjónarmenn leiðbeinendanámskeiðsins er fagfólk og aðalhöfundar efnisins Verndarar barna.
Námskeiðsgjöld og greiðsluskilmálar
Skráning í námskeið er skuldbindandi og jafngildir samningi um greiðslu á námskeiðsgjaldi.
Forföll/afskráningu þarf að tilkynna skriflega tveim dögum fyrir námskeiðsdag með því að senda tölvupóst á blattafram@blattafram.is.
Blátt áfram áskilur sér rétt til þess að innheimta skráningar- og umsýslugjald ef tilkynning berst eftir að skráningu á námskeið er lokið.

9 in stock

Blátt áfram notar vafrakökur til að bæta upplifun og greina umferð um vefinn.

Friðhelgisstillingar

Við notum vafrakökur til að skrá upplifun viðskiptavina okkar svo við getum betur komið til móts við þá. Hér getur þú með einföldum hætti haft áhrif á þá virkni.

Vafrakökurnar hér að neðan eru nauðsynlegar svo vefurinn starfi eðlilega.

Við notum Woocommerce verslunarkerfið. Í pöntunarferlinu verða tvær vafrakökur geymdar. Þær eru nauðsynlegar til að hægt sé að nota kerfið og því ekki hægt að slökkva á þeim.
  • woocommerce_cart_hash
  • woocommerce_items_in_cart

Þessar kökur eru hluti af WordPress kerfinu.

  • wordpress_test_cookie
  • wordpress_logged_in_
  • wordpress_sec

Þessi vafrakaka vistar stillingar notandans varðandi samþykki á vafrakökum á blattafram.is
  • CookieConsent

Hafna öllum vafrakökum
Samþykkja allar vafrakökur